1, 2 і 3 лістапада ў Варшаве адбудзецца паказ казкі-прытчы «Ордэн Белай Мышы» — тэатральны эксперымент і даследаванне гісторыі беларусаў праз спалучэнне тэксту класіка беларускай літаратуры Уладзіміра Арлова і актуальных тэкстаў сучаснай драматургіі.
Дата: 1, 2 і 3 лістапада
Час: 19:00 (час мясцовы)
Месца: Klub Scena Chmielna, Nowy świat 27A, Варшава
Сюжэт спектакля — прадказанне. Ён балансуе паміж фантастыкай і рэчаіснасцю, вядзе гледача ў незабыўнае падарожжа ў свет пазнання беларускіх рэалій з іх эмоцыямі і перажываннямі.
Гэта размова пра час і пра сябе. У цэнтры пастаноўкі — вечны канфлікт мастака і ўлады, пытанне выбару і сумленнасці перад самім сабой.
Спектакль задае пытанне кожнаму: як быць у складанай сітуацыі, дзе праходзіць мяжа паміж кампрамісам і непрымірымасцю?
Герой праходзіць выпрабаванні, якія могуць прывесці да пошуку свабоды або прыняцця правілаў.
Квіткі коштам ад 95 злотых бярыце па спасылцы.
