У суботу, 27 ліпеня, тэатр «Эмігрант» грае ў Познані спектакль «Жывот» на трох мовах — украінскай, беларускай і польскай.
Дата: 27 ліпеня
Час: 21.00 (час мясцовы)
Месца: дворык Barak Kultury, Al. Marcinkowskiego 21, Познань
Гэта гісторыя пра перажыванні, якія суправаджаюць жанчын на розных этапах жыцця.
Спектакль закранае традыцыі, міфалогію і абрады, звязаныя з рознымі этапамі жыцця жанчын — ахоўніц роду і дрэва жыцця.
У спектаклі выкарыстоўваюцца нацыянальныя строі і традыцыйныя вышываныя ручнікі, прывезеныя з Украіны.
Важнай часткай дэкарацый з’яўляецца лялька-мотанка — старажытны абрадавы сімвал дома, роду і ўрадлівасці.
Рэжысёрка — Вольга Грыгораш.
У ролях: Анастасія Радкоўская, Алена Варакса, Наталля Шапавал, Людміла Ерамейчук, Наталля Ахтырская, Юлія Касцючык, Ольга Грыгораш, Любоў Сідарава, Вікторыя Сідарава.
Музыка: Ягор Забелаў, ISTNY, Varhan Folk Group, Jacque de Chiffon.
Тэатр Эмігрант — гэта творчая прастора для эмігрантаў з розных краін, створаны ў 2019 годзе ў Познані з вялікай любові да тэатра і вялікай патрэбы праявіць сябе ў чужой краіне.
Уваход, выглядае, вольны.
