Спеўны сход
14.12.2017
19:00 - 19:00
Галерэя TUT.BY (пр-т. Дзяржынскага, 57, 9-ы паверх)
Уваход вольны
14 снежня а 19:00 ў Галерэі TUT.by (пр-т. Дзяржынскага, 57, 9-ы паверх) адбудзецца Спеўны сход, прысвечаны мужчынскім песням з удзелам гурта “РАДА”.
Чаму менавіта мужчынскія песні? Бо ў межах праекта Традыцыя / Tradycyja выходзіць першы дыск серыі з запісамі, выкананымі аўтэнтычнымі спевакамі. Падобная серыя дыскаў ужо існуе ў Польшчы і ў суседніх краінах, а цяпер з’явіцца і на Беларусі.
Чаго чакаць падчас сходу?
- Выступу мужчынскага фолк-гурта “РАДА” – выканаўца традыцыйных рэгiянальных мужчынскix спеваў. Асноўная частка рэпертару сабраная ўдзельнікамі “РАДА” падчас уласных экспедыцый. Творчасць гурта скiравана на распаўсюд ды адраджэнне традыцыйнай спеўнай i музычнай культуры Беларусi. Сучасны склад гурта: Святлана Буцкая (мастацкі кіраўнік), Алег Лук’янцаў, Аляксандар Жукоўскі, Васіль Мардачоў.
- Дыхацельных і гукавых практыкаванняў ад Сержука Доўгушава, развучанне мужчынскiх песень усiмi ўдзельнiкамi Спеўнага схода
- Конкурсу для самых смелых “Спяваць можа кожны” (пры падтрымцы крамы symbal.by)
Мужчынская тэматыка ніяк не ўплывае на склад наведнікаў – да ўдзелу запрашаюцца і мужчыны, і жанчыны, і дзеці, і цэлыя сем’і і кампаніі.
Спеўны сход – гэта сустрэчы, дзе людзі збіраюцца разам, каб спяваць розныя беларускія песні. Сяржук Доўгушаў, кіраўнік праекту, ладзіць гэтыя сустрэчы, вучыць людзей спяваць ды спявае разам з імі. Некамерцыйная ініцыятыва «Спеўны сход» ужо чатыры гады яднае сотні людзей, якія маюць цікавасць да беларускай музычнай культуры.
Уваход вольны!
