У суботу, 17 снежня, у філіяле Веткаўскага музея — супольныя спеўкі ды новая сустрэча кінаклуба «ЭТНАфільМЫ».
Дата: 17 снежня
Час: 14.00 і 16.00 (час мясцовы)
Месца: філіял Веткаўскага музея, пл. Леніна, 4а, Гомель
А 14-й прыходзьце развучыць ды паспяваць разам калядных песень!
На такіх занятках няма вучняў і настаўнікаў — усе спяваюць разам! Хутка ж святочная вечарына!
Уваход вольны!
А 16-й жа заставайцеся на сустрэчу кінаклуба «ЭТНАфільМЫ».
У перадсвяточны час прапануюць паглядзець паглядзець цудоўныя дакументальныя фільмы пра калядныя традыцыі беларусаў:
Фільм «Крывыя вечары» (1993 года), які здымаўся ў вёсках Палесся і Паазер’я, апавядзе, уласна, што за цікавыя вечары ладзілі нашы продкі, і чаму яны называліся крывымі.
Яшчэ адна караценькая кінастужка — «Палескія калядкі» (1972 года). Па назве гэтага фільма адразу зразумела, пра што ідзе гаворка. У гэтай стужцы здымаліся жыхары палескіх вёсак Тонеж і Глушкавічы (Лельчыцкі р-н), Клятная (Пінскі р-н), Моталь і Тышкавічы (Іванаўскі р-н).
А напрыканцы, каб дадаць святочнага настрою, пакажуць вельмі стары навагодні мультфільм, які вы, хутчэй за ўсё, не бачылі.
Пасля прагляду за кубкам духмянай гарбаты будуць абмяркоўваць пабачанае.
Кошт — 3 рублі.
