Сустрэча з Кусь-Кусяндрай і яе аўтаркай, пісьменніцай Надзеяй Ясмінска ў Мінску
Пачатак: 16.04 (15:00)Канец: 16.04 (17:00)
кавярня «Параграф 45»
16 красавіка у мінскай кавярні «Параграф 45» адбудзецца творчая сустрэча з дзіцячай пісьменніцай Надзеяй Ясмінска і мастачкай Святланай Міхалап, а таксама з Кусь-Кусяндрай, якую яны стварылі.
Дата: 16 красавіка
Час: 15.00
Месца: кавярня «Параграф 45», вул. Л. Бяды, 45, Мінск
Хто такая Кусяндра і як яна з’явілася ў пакоі? Адкуль ў яе вострыя кіпцюры і зубы? Чаму яе проста распірае ад злосці?
Адказы на пытанні можна знайсці ў кніжцы «Кусь-Кусяндра» выдавецтва «Кнігазбор». Цi даведацца наўпрост ад стваральніц гэтай гісторыі.
Спадарыня Надзея раскажа пра Кусяндру і пачытае кніжку ўслых, а спадарыня Святлана пакажа арыгіналы ілюстрацый і раскрые таямніцу стварэння вобраза персанажа.
А яшчэ можна будзе выдумаць сваю Кусяндру і намаляваць яе, ды ўрэшце рэшт вырашыць: кусь ці не кусь?
Вельмі чакаюць дзетак 5-9 гадоў.
Удзел бясплатны, але абавязковы перадзапіс па тэлефоне +375293706460.
