Сустрэча «Нявыкарыстаны патэнцыял? Мапа беларускай культуры ў Польшчы» ў Варшаве

 У чацвер, 26 сакавіка, у Музеі Вольнай Беларусі адбудзецца сустрэча «Нявыкарыстаны патэнцыял? Мапа беларускай культуры ў Польшчы».

•  прэзентацыя даклада «Нявыкарыстаны патэнцыял? Мапа беларускай культуры ў Польшчы» і дыскусія 
• перфарматыўнае чытанне «Гэта маё цела» ад BY Teatr 
• куратарская экскурсія па выставе «Справа жанчын» 

Сёння ў Польшчы актыўна дзейнічае больш за 120 культурніцкіх ініцыятыў, створаных беларусамі, — яны ўжо з’яўляюцца пастаяннай часткай польскага культурнага ландшафту. 

Абмяркуюць, як змяняецца польская культура і якую ролю адыгрывае беларуская культура ў Польшчы. 

Напярэдадні Дня Волі таксама разгледзяць культуру як прастору для наладжвання стасункаў паміж палякамі і беларусамі і яе ролю ў падтрымцы будучай дэмакратычнай Беларусі. Абмяркуюць сярод іншага: 

Як міграцыя з Беларусі змяняе польскую сацыяльна-культурную прастору? 

 Як культура можа падтрымаць дэмакратызацыю Беларусі? 

 Як перайсці ад логікі «падтрымкі бежанцаў» да партнёрства? 

Як пабудаваць агульную польска-беларускую аўдыторыю? 

У размове прымуць удзел: 

Мара Тамковіч — кінарэжысёрка і сцэнарыстка 

 Святлана Курс — пісьменніца, журналістка 

 Юлія Халевіньска — драматургіня і тэатральная куратарка, выкладчыца Тэатральнай акадэміі ў Варшаве 

Ірэна Кацяловіч — кінакрытык, журналістка і менеджарка культуры 

Дыскусію будзе мадэраваць Юстына Прус, кіраўніца міжнароднага аддзела Польскага агенцтва прэсы (PAP) 

Уваход, выглядае, вольны.