29 красавіка філіял Веткаўскага музея ў Гомелі ладзіць традыцыйную пятнічную сустрэчу. Гэтым разам госць музея — бакалаўр багаслоўя Андрэй Скідан.
Дата: 29 красавіка
Час: 18.00
Месца: філіял Веткаўскага музея, пл. Леніна, 4А, Гомель
Вада — катэгорыя звязаная з жыццём і смерцю. З гэтай стыхіяй можна спрабаваць дамаўляцца, але ўтаймаваць... Крыніца ў традыцыі першапачаткова святая і асвячальная ўспрымалася як пачатак жыцця, пра гэта гавораць першыя радкі кнігі Быцця.
Вада аб’ядноўвала людзей ад калыскі чалавецтва. Яе дастатак стаў падставай для рытуалаў і абрадаў, асабліва з прыходам аграрных форм гаспадарання. Вада — гэта і вір, і таямніца, і заўсёды нешта большае.
Пра сакральнае і мастацкае значэнне вады і пойдзе размова на сустрэчы ў экспазіцыі «Жывая вада».
Кошт удзелу — 2 рублі.
