Літаратура Лондан
Канец: 13.09 (20:00)
Скарынаўская бібліятэка
Сустрэча з Ганнай Янкутай у Лондане
Пачатак: 13.09 (18:30)Канец: 13.09 (20:00)
Скарынаўская бібліятэка
(Лондан, Лондан)
У пятніцу, 13 верасня, у Лондане адбудзецца сустрэча з пісьменніцай і перакладчыцай Ганнай Янкутай.
Дата: 13 верасня
Час: 18:30
Месца: Скарынаўская бібліятэка, 37 Holden Road, London
Спадарыня Ганна распавядзе пра свае кніжныя праекты апошніх гадоў, перадусім пра раман «Час пустазелля», што пісаўся ў Варшаве вясной і летам 2022 года.
Гэта раман пра спробы знайсці сябе ў новай рэальнасці пасля нападу Расіі на Украіну, пра валанцёрскую працу перакладчыцай на мяжы і ў гуманітарных пунктах, пра паездкі ў Беларусь і асэнсаванне сябе эмігранткай, пра суадносіны паміж гістарычным і геалагічным часам.
Таксама спадарыня Ганна прадставіць (эка)паэтычны праект "Геалогія"/"Канстытуцыя«, спробу асэнсаваць беларускія падзеі 2020 года праз прызму галоўнага беларускага закону, які пастаянна парушаецца, а таксама супаставіць дзве з’явы — палітычную дыктатуру і дыктатуру антрапацэну.
«Геалогія» і «Канстытуцыя» — гэта адна і тая ж кніга, якая па-рознаму была надрукаваная ў Беларусі і ў Польшчы.
Таксама спадарыня Ганна раскажа пра свае пераклады замежных аўтараў (перадусім англамоўных: Дж. Остэн, Ч. Дыкенс, А.К. Дойл, К. Ісігура, С. Руні) на беларускую.
Уваход вольны.
