Сустрэча з Уладзімірам Арловым і Ігарам Крэбсам у Маладзечна
Пачатак: 03.11 (18:00)Канец: 03.11 (19:00)
арт-прастора “Наталь”
У пятніцу 3 лістапада ў арт-прасторы “Наталь” у межах кампаніі “Будзьма беларусамі!” адбудзецца сустрэча са знакамітым пісьменнікам-гісторыкам Уладзімерам Арловым. Тэма: “Захапляльныя гісторыі з вандровак пісьменьніка”. Падчас імпрэзы адбудзецца прэзентацыя новай кнігі мастацкай прозы “Танцы над горадам”. Героі аповесці, якая дала назву кнізе – самнамбулы. Удзень яны незнаёмыя паміж сабой, а ўначы ўтвараюць сваё таемнае брацтва. Ул. Арлоў захопіць з сабой і бестселер гэтага года кнігу “Айчына: маляўнічая гісторыя. Ад Рагнеды да Касцюшкі”.
Другі госць – перакладчык казак Вільгельма Гауфа і вершаў Генрыха Гайне Ігар Крэбс, які сёлета выдаў пераклад рамана “Неверагодныя прыгоды барона Мюнхгаўзэна”.
Імпрэза пачнецца а 18-00 па адрасе: Маладзечна, вул. Касманаўтаў, 8-а. Уваход вольны.
Больш інфармацыі тут: https://vk.com/art.natal
