13 ліпеня беларусак Варшавы — ды не толькі Варшавы — шчыра запрашаюць на другую інтэграцыйна-псіхалагічную сустрэчу для жанчын.
Дата: 13 ліпеня
Час: 18.00 (час мясцовы)
Месца: Беларускі Дом, ul. Kryniczna 6, Варшава
Гэтым разам тэма сустрэчы — «Віна і сорам». Ці можна адчуваць віну за тое, што не зрабіла? Удзельніцы будуць даследаваць таксічныя эмоцыі віны і сораму, вучыцца іх аддзяляць адну ад адной і ад таксічных перажыванняў.
Кожная сустрэча — гэта знаёмства з сабой і з выдатнымі жанчынамі, удзельніцамі сустрэч. Псіхатэрапеўтка і мадэратарка сустрэчаў Марта Скугарава і інструктарка ёгі Кацярына Кузіна забяспечаць далікатную і бяспечную атмасферу, падрыхтуюць практыкаванні і правядуць паненак праз працэс эмацыйнай дэтаксікацыі.
Удзел бясплатны, але ж не забудзьцеся зарэгістравацца па спасылцы!
