“Тайны канцэрт” J:морс для 100 прыхільнікаў
10.11.2015
08:00 - 17:00
Unnamed Venue (Пра месца правядзення канцэрта яго наведвальнікі даведаюцца раніцай у дзень мерапрыемства.)
Бясплатнае
Гурт “J:морс“ вырашыў адзначыць выхад новаго альбома “Воздух“ незвычайнай акцыяй – 10 лістапада музыкі сыграюць у Мінску “Тайны канцэрт“, на які змогуць патрапіць па адмысловых запрашэннях усяго 100 прыхільнікаў.
Запрашальнікі на “Тайны канцэрт” можна атрымаць двума спосабамі. Па-першае, іх можна выйграць у эфіры радыё Unistar кожны працоўны дзень з 2 да 10 лістапада. Па-другое, атрымаць разам з першымі 50 экзэмплярамі CD “Воздух”, які паступіць у продаж 5 лістапада праз інтэрнэт-краму OZ.by. Пра месца правядзення канцэрта яго наведвальнікі даведаюцца раніцай у дзень мерапрыемства.
– Мы зрабілі вялікі перапынак у студыйнай працы. Гэты альбом, першы за пяць год, даўся няпроста, гэта вельмі важны момант для гурта. Мы маем шмат планаў наперадзе, у тым ліку вялікую прэзентацыю ў лютым. Але зараз ёсць жаданне адсвяткаваць выхад дыска ў коле сяброў і найбольш актыўных слухачоў у якой-небудзь невялічкай залі, дзе гледачы знаходзяцца на адлегласці выцягнутай рукі. Проста падзяліцца сваім настроем і сказаць усім дзякуй, – расказаў лідар гурта Уладзімір Пугач.
Канцэртная прэзентацыя альбома “Воздух” для шырокай публікі адбудзецца 13 лютага 2016 года ў Prime Hall. Пачуць новы дыск “J:морс” можна будзе за дзень да выхаду – 4 лістапада з 19.00 да 21.00 адбудзецца яго прэм’ера ў межах адмысловага эфіру на хвалях радыё Unistar.
Пра выхад першай за пяць год працы гурта Уладзімір Пугач паведаміў у адмысловым відэазвароце, знятым падчас пілатажнага палёта на планеры. На дыск патрапіла 11 песень, у тым ліку аднайменная кампазіцыя, якая стала саўндтрэкам да фільма “Ро у Дж”.
