Ток-шоў “Гарадскі актывізм і адукацыя” у Віцебску
20.12.2018
17:00 - 17:00
Віцебская абласная бібліятэка (вул. Леніна, 8а)
Уваход вольны
Грамадская культурніцкая кампанія “Будзьма беларусамі!” і SYMPA запрашаюць на ток-шоў “Гарадскі актывізм і адукацыя” у Віцебску 20 снежня.
Сучасны горад немагчыма ўявіць без удзелу актыўных жыхароў у шматлікіх гарадскіх працэсах развіцця. Віцебск у гэтым кірунку можа падзяліцца пазітыўным досведам і з іншымі рэгіёнамі Беларусі. Чаго вартыя толькі супольныя праекты грамадскіх ініцыятываў і гарадскіх уладаў у культурнай і сацыяльнай сферах. Адным з вынікаў стала нядаўняе ўключэнне Віцебска ў глабальную сетку гарадоў, што навучаюцца ЮНЭСКА. Але ці можна больш эфектыўна выкарыстоўваць крэатыўны патэнцыял для развіцця Віцебска?
Якім чынам аб’ядноўваць гарадскую супольнасць для вырашэння актуальных праблемаў і пошукаў новых формаў узаемадзеяння? Якія адукацыйныя фарматы могуць дапамагчы павысіць узровень кампетэнцый гарадскіх актывістаў і прыцягнуць новую аўдыторыю. Як адбываецца камунікацыя з гарадскім актывам з боку ўладаў? Якія іструменты для вырашэння гарадскіх праблемаў найбольш эфектыўныя?
Гэтыя і іншыя пытанні прагучаць на адкрытай дыскусіі “Гарадскі актывізм і адукацыя” 20 снежня ў Віцебскай абласной навукова-тэхнічнай бібліятэцы.
Спікеры:
Яўгенія Пачэпка, старшыня YMCA-ХСВМ Віцебск, мэнэджэр РРЦ
Віктар Глушын, намеснік старшыні Віцебскага гарвыканкама
Антон Матолька, гарадскі актывіст, аўтар праекта “МотолькоПомоги”
Перад дыскусіяй адбудзецца круглы стол “Умацаванне развіцця супольнасцей праз грамадзянскую адукацыю” – пляцоўка для камунікацыі прадстаўнікоў грамадскіх арганізацый і ініцыятываў, прадстаўнікоў мясцовых уладаў і зацікаўленых жыхароў горада.
На круглым стале будуць прадстаўлены даследванні адукацыйных патрэбаў маладых людзей у г. Віцебск, і распрацаваная па выніках адукацыйная праграма “Го!рад”, якая скіраваная на павышэнне ўзроўня грамадзянскай актыўнасці маладых людзей Віцебска і фарміраванне культуры актыўнага грамадзскага ўдзелу. У рамках мерапрыемства выступіць вядомы гарадскі актывіст Антон Матолька. Эксперт падзеліцца сваім меркаваннем пра гарадскі актывізм і распавядзе пра рэалізаваныя праекты і іх вынікі.
Круглы стол праводзіцца ў межах праекта “Рэгіянальныя галасы”.
Мерапрыемствы пачнуццаа 17-й 20 снежня ў Віцебскай абласной навукова-тэхнічнай бібліятэцы, вул. Пушкіна, 6.
