Выстава “Традыцыі і сучаснасць: у адной лодцы” ў Мінску

У чацвер, 16 кастрычніка, у галерэі "Цэнтр" адкрываецца выстава “Традыцыі і сучаснасць: у адной лодцы”. 

Выстава паказвае разнастайнасць вобразнай інтэрпрэтацыі матыву лодкі ў беларускім мастацтве, як прафесійным, так і інсітным.

Важную частку экспазіцыі складаюць музейныя экспанаты - маляваныя дываны Паўла Яўхімавіча Марціновіча (1911–1981) з фондаў Любанскага музея народнай славы. 

Павел Марціновіч (нарадзіўся і жыў у вёсцы Засмужжа Любанскага раёна) пачаў маляваць дываны яшчэ ў 1930-я гады, але найбольш запатрабаванымі яго работы сталі ў пасляваенны. 

Найбольшай папулярнасцю ў замоўцаў карысталіся дываны з «лодкай», якія Павел Яўхімавіч ствараў у некалькіх адпрацаваных варыяцыях.

Як прыклад сучаснага маляванага дывана ў экспазіцыю ўключаны твор народнай майстрыні Беларусі Вольгі Пілецкай, які яна адмыслова падрыхтавала да выстаўкі.

Напісаныя пад натурнымі ўражаннямі карціны з вадаёмам і лодкамі, як натуральнай часткай беларускага краявіду прадставілі Юлія Мацура і Антон Вырва. 

Праз фільтры аўтарскага дэкаратыўнага бачання вобраз лодкі/карабля ў ландшафце паказаны Васілём Матусевічам і Андрэем Карпянковым. 

Сімвалічнасць вобраза лодкі, як «каўчэга» з самым каштоўным для чалавека мы можам знайсці ў фантастычных творах Анатоля Концуба.

Падчас выставы пройдуць тэматычныя лекцыі і сустрэчы.

Выстава працуе па 16 лістапада.

Квіткі – 3 рублі поўны, 1 рубель ільготны.