Кнігу, якую выдалі праваабаронцы ПЦ «Вясна», прэзентуюць 25 красавіка ў Вільні, там жа можна будзе бясплатна атрымаць яе асобнік.
Дата: 25 красавіка
Час: 18:00 (час мясцовы)
Месца: Вільня, Беларускі дом (Vilniaus gatve, 20)
Укладальніца і рэдактарка зборніка Алена Лапцёнак адзначае:
«Калі я паказала гэты зборнік аднаму чалавеку, ён сказаў: «Навошта множыць пакуты?» Але на мой погляд, гэты зборнік не множыць пакуты. Ён працягвае тэму палітвязняў, таму што пра іх варта казаць. Людзі знаходзяцца ў няволі за свае перакананні! Пра іх варта казаць штодня. І такі зборнік — гэта лепшая нагода пагаварыць не проста нават пра палітвязняў, а пра тое, што робіцца ў іх у душы, што яны перажываюць, які ў іх настрой».
Прыходзьце на прэзентацыю зборніка!
