Творчы вечар паэта скарбніка групы “Бу-Ба-Бу” Аляксандра Ірванца
Пачатак: 07.02 (19:00)Канец: 07.02 (20:30)
Дзяржаўны музей гісторыі беларускай літаратуры
Дзяржаўны музей гісторыі беларускай літаратуры запрашае на творчы вечар паэта Скарбніка групы “Бу-Ба-Бу” Аляксандра Ірванца (Украіна). Мадэратар вечара: Севярын Квяткоўскі.
Бу-Ба-Бу (Бурлеск-Балаган-Буфанада) – літаратурная суполка, заснаваная 17 красавіка 1985 г. ў Львове Юрыем Андруховічам (Патрыярх), Віктарам Небаракам (Пракуратар) і Аляксандрам Ірванцом (Скарбнік).
Літсуполка “Бу-Ба-Бу” стала ўвасабленнем карнавальнага необарокавага мыслення, уласцівага метагістарычнай карнавальнай культуры чалавецтва. Сацыяльным падмуркам метагістарычнага карнавала ва Украіне стаў падсвядомы масавы сіндром залому, які суправаджаў распад імперыі і выклікаў два метапсіхічныя складнікі: грамадскую дэпрэсію і масавую карнавальную смехарэфлексію на катаклізм сістэмы. Творчасць удзельнікаў “Бу-Ба-Бу” ў межах самой літсуполкі стала сітуацыйна-канцэптуальным мастацкім водгукам на грамадскую рэфлексію.
Уваход вольны
Падзея ў Facebook
