Выстава фатаграфій Уладзіміра Кавальчука з Мінску

У сераду, 4 сакавіка, у Пушкінскай бібліятэцы адкрываецца выстава фатаграфій Уладзіміра Кавальчука, прымеркаваная да 80-годдзя аўтара.

У экспазіцыю ўвайшлі фотаздымкі 1980-х гадоў.

Уладзімір Міхайлавіч Кавальчук нарадзіўся ў 1946 г. у в. Загай Пухавіцкага раёна Мінскай вобласці.

Сапраўдным паваротным момантам у творчасці стала знаёмства з Анатолем Дудкіным, легендай беларускага фотамастацтва.

Гэты саюз аднадумцаў, які пачаўся ў 1974 годзе, доўжыўся пятнаццаць гадоў, стаўшы плённым перыядам сумесных пошукаў, выставак і семінараў.

У верасні 1983 г. па ініцыятыве Дудкіна спадар Уладзімір стварыў фотаклуб "Пралеска" пры Рудзенскім гарадскім Доме культуры.

Пасля смерці Анатоля Дудкіна ў ліпені 1991 г. узначаліў абласны фотаклуб "Крыніца" ў Мінскім абласным навукова-метадычным цэнтры народнай творчасці і культурна-асветніцкай працы (сёння Мінскі абласны цэнтр народнай творчасці).

У сваёй творчасці Кавальчук надае ўвагу розным жанрам: партрэтам, пейзажам, дакументальнай і рэпартажнай фатаграфіі.

Асноўны матыў творчасці - рух, пераадоленне сябе, прага жыцця, якія перадаюцца як у дынамічных сюжэтах, так і ў партрэтах людзей, якія нясуць у сабе гэтую энергію.

Працуе выстава да 22 сакавіка.

Квіткі - 5 рублёў поўны, 2 рублі льготны.