Гэтымі выходнымі, 17 і 18 чэрвеня, у музеі народнай архітэктуры і побыту ў Азярцы разгарнуцца падзеі Першай сусветнай. Тут будзе ваенна-гістарычны фестываль «Няскончаны ўрок: забытыя старонкі беларускай гісторыі».
Дата: 17 і 18 чэрвеня
Час: з 11.00 да 16.30 (час мясцовы)
Месца: музей народнай архітэктуры і побыту, Азярцо, Мінскі раён
Першая сусветная вайна перавярнула жыццё мільёнаў людзей, знішчыла 4 імперыі, у тым ліку і Расійскую, і стала штуршком да набыцця беларусамі сваёй дзяржаўнасці.
Але ж загінула больш за 1 мільён нашых суайчыннікаў, амаль 2 мільёны чалавек сталі бежанцамі, больш за 1 мільён былі прызваны ў войска, тысячы вёсак і мястэчак былі зруйнаваныя.
То вас чакае:
рэканструктары Першай сусветнай вайны — людзі, якія аднаўляюць розныя часткі расейскай імператарскай і германскай армій у поўным рыштунку ў адпаведнасці з гістарычнымі крыніцамі і антуражнымі прадметамі побыту;
палявы лагер расейскага войска, у якім паказваецца побыт і страявая падрыхтоўка рускіх вайскоўцаў;
шпіталь Чырвонага крыжа — інтэрактыўная выстава, прысвечаная працы сясцёр міласэрнасці ў гады Першай сусветнай вайны;
тэматычныя інтэрактыўныя кропкi
рэканструкцыя бою Першай сусветнай вайны 1916 года, Баранавіцкая аперацыя: бой паміж нямецкімі і рускімі войскамі;
тэматычная фотазона з антуражным адзеннем.
Праграма такая:
У суботу, 17 чэрвеня, з 11.00 да 17.00 — iнтэрактыўны дзень. Будзе 2 экскурсіі па лагеры рэканструктараў — у 14.00 і 15.00.
У нядзелю, 18 чэрвеня:
13.00 — урачыстае адкрыццё фестываля;
13.20 і 14.20 — абыход лакацый фестываля з вядучым (у тым ліку лагер рэканструктараў);
15.00 — 15.40 — рэканструкцыя бою;
15.40 — 16.30 — узнагароджванне ўдзельнікаў фестываля.
Кошт квіткоў:
На 17 чэрвеня:
дарослым — 12 рублёў; студэнтам і школьнікам — 6 рублёў; дашкольнікам — бясплатна;
На 18 чэрвеня ў папярэднім продажы ў касах музея ў Азярцы і ў Мінску на вул. Смаленская, 15, офіс 907 (з 9:30 да 16:30):
дарослым — 14 рублёў; студэнтам і школьнікам — 6 рублёў; дашкольнікам — бясплатна;
18 чэрвеня на ўваходзе:
дарослым — 17 рублёў; студэнтам і школьнікам — 8 рублёў; дашкольнікам — бясплатна;
