У нядзелю, 24 лістапада, у межах фестываля перфарматыўных мастацтваў VOICES адбудзецца вечар беларускай музыкі «Усе самалёты ляцяць у Мінск».
Дата: 24 лістапада
Час: 17.00 (час мясцовы)
Месца: silent green Kuppelhalle, Gerichtstraße 35, Берлін
Першая частка — шматпрофільны спектакль пра грамадзянскі супраціў, які сінтэзуе чатыры медыумы: паэзію, музыку, харэаграфію і сцэнаграфію.
У цэнтры імпрэзы — кантата, напісаная Уладзімірам Ранневым у 2020 годзе ў адказ на пратэсты ў Беларусі і іх падаўленне.
Кантата Раннева складаецца з адзінаццаці самастойных песень, кожная з якіх напісана на верш беларускага драматурга і паэта Канстанціна Сцешыка.
У другой частцы — прэм’еры трох беларускіх кампазітараў у эміграцыі, якія адлюстроўваюць сваю радзіму ў часе пасля жорсткага падаўлення грамадзянскіх пратэстаў:
Марына Лукашэвіч «Unbeachteten» для 4–5 галасоў і электронікі
Kazimierz Wicz «Widerspruch» на 4 галасы паводле верша Алеся Разанава
Аксана Амяльчук «Усе самалёты ляцяць у Мінск» на 5 галасоў на верш Вальжыны Морт
Квіткі коштам 31 еўра поўны, 17,50 еўра льготны бярыце па спасылцы.
⠀
