10 лютага 2017 года а 13-й гадзіне ў Музеі беларускага народнага мастацтва ў в. Раўбічы адбудзецца ўрачыстае адкрыццё выставачнага праекта Беларускага дзяржаўнага музея народнай архітэктуры і побыту “Вяселле Заходняга Палесся”. Летам 2016 года выстава з поспехам экспанавалася ў Музеі народнага побыту Літвы.
У экспазіцыі будуць прадстаўлены экспедыцыйныя фотаздымкі Заходняга Палесся, зробленыя ў 1980-х гадах у Пінскім, Драгічынскім, Столінскім, Кобрынскім раёнах Брэсцкай вобласці. Таксама на выставе можна будзе пазнаёміцца з асноўнымі элементамі заходнепалескага вяселля, убачыць унікальныя святочныя народныя строі Заходняга Палесся канца ХІХ – сярэдзіны ХХ ст.
Падчас урачыстага адкрыцця выставы “Вяселле Заходняга Палесся” будзе паказаны вясельны палескі абрад “Пакрывала зняць”.
Выстава працуе з 10 лютага па 30 красавіка 2017 года.
Куратар: Андрыевіч Таццяна Яўгенаўна, навуковы супрацоўнік філіяла
Тэл.: (29) 135 32 41
Адрас: Мінскі р-н, с/к “Раўбічы”
Музей працуе з 10.00 да 17.00, выхадныя дні – панядзелак, аўторак
Тэл. для даведкі: (017) 507 44 68, (017) 507 44 69
