Велаэкскурсія “Мінск графа Чапскага”

18.06.2014 18:00 - 21:00 велапракат "Адпачынак" (Наберажная Свіслачы насупраць Траецкага прадмесця) Кошт – 75 тбр; 15 % зніжка студэнтам, пенсіянерам, работнікам

Мінск графа Чапскага – мы зазірнем у Мінск канца XIX ст., калі нашым гораданачальнікам становіцца надзвычай энэргічны, багаты, амбіцыйны і патрыятычна настроены малады чалавек з вядомага графскага роду Чапскіх. Калі напачатку сваёй кар’еры Караль Чапскі наклікаў на сябе мноства падазроных папрокаў ад недаверлівых гараджанаў, то ўжо праз дзесяць з лішкам год яго ставілі ў прыклад іншым гораданачальнікам Расійскай Імперыі за яго ўменне любіць свой горад і развіваць яго за ўласныя грошы.

Чапскі, дзякуючы свайму жывому, творчаму розуму, прыхільнасці да Мінска і выдатнаму таленту фінансіста здолеў ператварыць Мінск у сапраўды еўрапейскі, культурны, камфортны для
жыцця горад. Па мясцінах, звязаных з кіпучай дзейнасцю графа Чапскага – нашая велавандроўка. Сапраўднай разынкай экскурсіі стане наведванне старога бровара, які належыў Чапскаму, (сёння – піўзавод “Аліварыя”). Супрацоўнікі музея піўзавода правядуць нас па старых завадскіх карпусах часоў Чапскага, пазнаёмяць з тэхналогіяй варэння піва і вядома ж, узгадаюць самога графа і яго час, калі гісторыя завода толькі распачыналася. Экскурсія па “Аліварыі” для ўдзельнікаў велаэкскурсіі – бясплатная.
Арганізатар – “Менскі велашпацыр”

 


Вам можа быць цікава

Выстава «Парушаючы цішыню» ў Мінску

10.04.2025 18:00 - 01.06.2025 20:00 Нацыянальны цэнтр сучасных мастацтваў (вул. Някрасава, 3)

Выстава Паўла Камарца «Іншае жыццё дрэва» ў Гродне

17.04.2025 16:00 - 12.05.2025 19:00 Цэнтр раместваў «Спадчына» (вул. Рэйманта, 12)

Выстава Аляксандра Ката-Зайцава «DOM» у Вільні

25.04.2025 19:00 - 23.05.2025 20:00 CreateCulture Space (Karmelitų gatvė 5)

Канцэрт «Хрыстус Уваскрослы» ў Вільні

11.05.2025 (13:10 - 15:00) касцёл св. Барталамея (Užupio g. 17A)

Апошняе
на Budzma.org

чытаць яшчэ