«Весенний праздник – 2018» или Восточный Новый год

18 лютага 2018 года (нядзеля) а 12-й гадзіне Нацыянальны мастацкі музей Рэспублікі Беларусь запрашае ўсіх жадаючых прыняць удзел у незвычайнай, незабыўнай і поўнай сюрпрызаў падзеі! «Вясновае свята – 2018» паглыбіць дарослых і дзяцей у атмасферу святкавання Новага года ў краінах Далёкага Усходу.

Новы год у нашым звыклым уяўленні – гэта каляндарная змена, прымеркаваная да пэўнай даты. Для ўсходніх краін наступленне новага жыццёвага цыкла звязана са зменай пор года. Менавіта гэта падзея і адлюстроўвае Свята вясны, якое сімвалізуе сабой заканчэнне зімы, абуджэнне прыроды, набліжэнне чагосьці доўгачаканага, светлага і чыстага. Сімвалічнае абнаўленне жыцця – вось падабенства Новага года і Свята вясны.

У гэты цудоўны нядзельны дзень усіх гасцей чакае культурнае падарожжа па традыцыях Паднябеснай, Краіны ранішняй свежасці і Краіны ўзыходзячага сонца.

Праграма свята:

• Знаёмства з сімваламі ўсходняга Новага года
• Навагодні вясновы канцэрт! Жывы гук!
• Вясновы палац: наведай і зрабі фотаздымак!
• Я – Шчаслівы сабака! Сімвал 2018 года!

Ствары мой святочны вобраз!

• Я люблю яркія колеры. А ты? Пакажы!
• Святочная кітайская каліграфія: глядзі і спрабуй сам!
• Традыцыйныя паштоўкі Карэі і Японіі!

Натхніся і стань аўтарам навагодняй паштоўкі па-ўсходняму!

• Вясёлы ўрок. Формулы ветлівасці

(па-кітайску; па-карэйску; па-японску; па-в’етнамску)

• Злаві ўсходні дух у традыцыйных гульнях!
• Паэтычная арт-майстэрня. Ствары сагу аб шчаслівым сабаку і атрымай у падарунак прадказанне на 2018 год!
• Прывядзі да мяне бацькоў, і я падару яшчэ крыху

святочнага вясновага настрою!

• Адкрый тайну кітайскіх загадак!
• Адчуй душу ўсходняга навагодняга свята і перадай яго

вясновы настрой на хангыле і хірагане!

• Пагуляем?! Ой, які твар!
• Вось табе плакетка: намалюй Вясну!
• Вылепі сімвал 2018 года, і ён прынясе табе ПОСПЕХ!
• Арт-майстэрня make-up artist Надзеі Пазняк
• Вас чакаюць па-сапраўднаму цікавыя відэа з вандровак

па краінах Далёкага Усходу!

• Паглядзі на свет маімі вачыма!

Захавай праз фотакамеру ўсе гэтыя імгненні!

Паспрабуй убачыць усё і ўсюды прыняць удзел!

Упрыгож сабой гэты дзень!

Стань яркім у сваёй вопратцы, падобнай на свежую вясновую кветку!

Ствары непаўторны святочны вобраз усходняй прыгажосці!

Узроставыя абмежаванні: 0+

Працягласць: 3+

Білеты можна набыць у касе музея. Дадатковую інфармацыю можна атрымаць па тэл.: 327-45-62