«Выходны ў музеі» Петруся Броўкі

У Дзень горада Мінска (10 верасня) Літаратурны музей Петруся Броўкі запрашае далучыцца да акцыі «Выходны ў музеі». У гэты дзень кожная сям’я атрымае магчымасць за адзіны квіток наведаць экскурсію па экспазіцыі і паўдзельнічаць у гульнях як для дзяцей, так і для дарослых.

Дата: 10 верасня

Час: з 10:00 да 19:00

Месца: Літаратурны музей Петруся Броўкі

Праграма:

Настольная гульня «Растлумач мне, калі ласка!» дазволіць весела і цікава праверыць сваю эрудыцыю і папрактыкаваць беларускую мову з дапамогай сінонімаў, антонімаў, намёкаў, гукаў, рухаў – і добрага настрою.

Занятак «Дзяцінства незабыўны час» пазнаёміць юнага наведвальніка з часопісам «Лучынка», які чытаў маленькі Пятрусь Броўка, і паставіць перад ім нялёгкую задачу – адгадаць загадкі мінулага стагоддзя.

Настольная гульня «Мінск вачыма Петруся Броўкі» дапаможа пазнаёміцца з гістарычна знакавымі лакацыямі ў біяграфіі народанага паэта Беларусі і даведацца, што адбываецца на гэтых месцах у наш час, а таксама папрактывацца ў чытанні вершаў.

Настольная гульня «Таямніцы Петруся Броўкі» пакажа частку калекцыі, якая захоўваецца ў фондах Літаратурнага музея Петруся Броўкі і замацуе веды, набытыя падчас экскурсіі па музеі.

Абавязковы папярэдні запіс! 

Запісацца можна ў асабістыя паведамленні старонкі ці па тэлефоне (017) 342-09-81.

Уваходны квіток: 7 руб.