У пятніцу, 17 лістапада, у каворкінгу «Кропка» адкрываецца караценечкая цудоўная выстава Анастасіі Аўралёвай «Я бачу Цябе».
Дата: з 17 па 19 лістапада
Месца: прастора «Кропка», Амаглеба 1, Тбілісі
Гэтым разам вы ўбачыце партрэты розных гадоў з натуры. Жывапісныя і графічныя пошукі асаблівых, выразных наяўнасцяў людзей.
Вось якая праграма выставы:
17 лістапада 17:00-21:00
Адкрыццё, фуршэт, нефармальная гутарка з аўтаркай.
18 лістапада 18:00-20:00
Майстар-клас ад мастачкі «Тры спосабы намаляваць партрэт».
Спадарыня Анастасія падзеліцца графічнымі спосабамі, якія дапамогуць і ўбачыць, і перадаць характэрнае ў малюнку партрэта. Матэрыялы — папера, маркеры, лінеры, ручкі, простыя і каляровыя алоўкі, туш. Можна прынесці свае, а можна скарыстацца матэрыяламі мастачкі.
Удзел бясплатны — трэба толькі запісацца.
Па запіс звяртайцеся да спадарыні Анастасіі ў тэлеграм.
Час працы выставы ў гэты дзень — 12:00-20:00.
19 лістапада выстава адчынена з 15:30 да 20:00.
Уваход вольны!
