5 жніўня завітайце на адкрыццё прыўкраснай выставы археалагічных знаходак «Нараджэнне і смерць. Зарубінецкая культура» ў філіяле Веткаўскага музея ў Гомелі.
Дата: 5 жніўня
Час: 16.00
Месца: філіял Веткаўскага музея, пл. Леніна, 4а, Гомель
З 2014 года археолагі піцерскага Эрмітажа разам з Веткаўскім музеем вядуць раскопкі на тэрыторыі могільніка зарубінецкай культуры ў вёсцы Гарошкаў (Рэчыцкі раён). Дзякуючы тым раскопкам знойдзена ўжо мноства унікальных артэфактаў зарубінецкай культуры (а гэта ажно III / II ст. да н. э. — II ст. н. э.!). Многія з іх эксклюзіўныя нават па мерках сусветнай археалагічнай навукі!
Унікальныя фібулы, наканечнікі копій і нажы, рытуальны посуд і каралі з бронзавых звёнаў, якія не маюць аналагаў у свеце — усё гэта прэзентуюць на новай выставе ў філіяле Веткаўскага музея ў Гомелі.
Куратар выставы — Юры Катляроў, старэйшы навуковы супрацоўнік Веткаўскага музея.
Уваход на адкрыццё вольны!
