22 ліпеня а 19-й у Варшаве адкрываецца выстава «BORDER STATUS» трох беларускіх мастакоў — Таццяны Радзівілка, Таццяны Кандрацэнка і Уладзіміра Сакалоўскага.
Дата: 22 ліпеня
Час: 19.00 (час мясцовы)
Месца: галерэя «101 Projekt», ul. Piękna 62/64, Варшава
На выставе будуць творы апошніх гадоў — створаныя да падзей 2020 года і тыя, што з’яўляюцца прамым водгукам на гэтыя падзеі.
Будуць паказаны тры розныя погляды мастакоў, якія вынікаюць з сітуацый, у якой яны апынуліся: штодзённы кантакт з навакольнай рэчаіснасцю, пераходны стан і вымушаная эміграцыя.
Выстава будзе ісці па 12 жніўня. Уваход вольны.
