У суботу, 21 верасня, у галерэі ДК адкрываецца выстава Фёдара Бажына «Кропка адліку».
Дата: 21 верасня
Час: 17.00
Месца: галерэя ДК, вул. Герцэна, 2а, Мінск
Сем палос на карціне — як сем колераў вясёлкі, сем цудаў свету, сем нот, сем грахоў і сем цнотаў і сем дзён тыдня.
Адзін з самых знакавых і важных напрамкаў у творчасці Фёдара з’явіўся ў 2018 годзе.
Сваёй серыяй паласатых карцін аўтар уступае ў дыялог з «манахромным» уяўленнем жыцця.
Ён сцвярджае, што палосы не проста чорныя ці белыя, а маюць колеры. Кожная лінія — падзея ў жыцці чалавека, а яе колер залежыць ад індывідуальнай інтэрпрэтацыі канкрэтнай асобай.
На адну і тую ж падзею кожны глядзіць праз прызму свайго досведу і разумення жыцця.
Выстава працуе да 20 кастрычніка.
