У суботу, 31 жніўня а 19-й, у CreateCulture Space адкрываецца выстава Наталлі Грабёнкінай «Sounds and rustles». А на наступны дзень, 1 верасня а 16-й, спадарыня Наталля запрашае на майстар-клас па калажы.
Дата і час: адкрыццё — 31 жніўня ў 19.00; майстар-клас — 1 верасня ў 16.00
Месца: CreateCulture Space, Karmelitų gatvė 5, Вільня
На выставе вы ўбачыце цыкл прац, які складаецца з шаўкаграфій і скетчаў.
«Гэтая выстава-даследаванне — як паход у лес. Яна поўная невядомага, але ўсё ж выводзіць гледача ў цёплую, утульную хату. На сваім шляху, у асяроддзі дрэў, палёў і травы я сувымяраю сябе з маштабам іншага кшталту, беражліва збіраю бібліятэку складаных канфігурацый, рытмаў, фактур. Лета — жывая практыка спелых целаў і абалонак у зялёных і цёплых прасторах», — кажа спадарыня Наталля.
На майстар-класе ж прапануюць стварыць сваю паштоўку з уяўным пейзажам.
Калаж — тэхніка, якая дае магчымасць ствараць прастору і даследаваць узаемадзеянне кветак і формаў, не адцягваючы ўвагі на тэхніку. Нечаканыя спалучэнні колеру і фактуры самі складаюцца ў груды, палі і азёры і нязвыклай выявай дапаўняюць рэальнасць.
Уваход на адкрыццё выставы — free donation. Удзел у майстар-класе — 10 еўра. Абодва івэнта вымагаюць рэгістрацыі. То па спасылачцы.
