У Палацы мастацтваў працуе выстава маладых беларускіх мастакоў — пераможцаў «Восеньскага салона».
Дата: па 18 кастрычніка
Час: з 11.00 да 20.00 (час мясцовы)
Месца: Палац мастацтваў, вул. Казлова, 3, Мінск
Творы Фёдара Бажына, Аляксандра Даманава, Алесі Скарабагатай, Надзеі Хмыль, Андрэя Пічушкіна і іншых аўтараў можна пабачыць цалкам бясплатна да 18 кастрычніка.
Усяго на выставе каля 80 работ мастакоў, за якіх наведвальнікі «Восеньскага салона» галасавалі найбольш актыўна.
Зала падзелена па намінацыях, згодна з якімі былі ўзнагароджаны аўтары: жывапіс, графіка, скульптура, інсталяцыя, дэкаратыўна-прыкладное мастацтва і фатаграфія.
Куратарка — Кацярына Янкоўская.
