У філіяле Веткаўскага музея ў Гомелі адкрылася выстава самага незвычайнага гомельскага разьбяра па дрэве Барыса Міхайлавіча Васількова. Майстру, на хвіліначку, 93 гады! І ён да гэтага часу творыць!
Дата: па 30 чэрвеня
Месца: філіял Веткаўскага музея, пл. Леніна, 4а, Гомель
На аўтарскай выставе «Трыдзевятае царства» майстар прадставіў разнастайных казачных герояў.
Займацца разьбой па дрэве Барыс Міхайлавіч пачаў яшчэ падлеткам. А гэта значыць, што ўжо амаль 80 гадоў майстар ператварае ліпу, сасну, бярозу і іншае дрэва ў герояў народных казак, мультфільмаў, у сюжэты з прыроды, гісторыі і ўласнай фантазіі.
Работы разьбяра ёсць у прыватных калекцыях у Італіі, Літве, Бельгіі, Кітаі і іншых краінах.
