У пятніцу, 11 лістапада а 18-й, у галерэі «Арт-Беларусь» адкрываецца выстава «Шляхамі Скарыны». Прымеркаваная яна да 500-годдзя выдання «Малой падарожнай кніжкі» Францыска Скарыны, экзэмпляр якой знаходзіцца ў карпаратыўнай калекцыі ААТ «Белгазпрамбанк».
Дата: 11 лістапада
Час: 18.00 (час мясцовы)
Месца: Палац мастацтваў, вул. Казлова, 3, Мінск
На выставе, акрамя арыгінальнага экзэмпляра «Малой падарожнай кніжкі» з банкаўскага збору, можна пабачыць факсіміле ўсіх гравюр Францыска Скарыны з іншых яго выданняў — 38 маштабных ілюстрацый, падрыхтаваных да друку Канстанцінам Вашчанкам і Аляксандрам Зінкевічам.
Таксама на выставе будзе максімальна дакладная працуючая рэканструкцыя станка Францыска Скарыны, станкі і механізмы для друку XIX — пачатку XX стагоддзяў і вялізная карта, створаная па матывах прататыпаў XVI стагоддзя. Яна дазволіць убачыць маршрут вялікага падарожжа Скарыны па Еўропе.
А наведвальнікі змогуць проста на на выставе сабраць некалькі вялікіх Скарынавых пазлаў-гравюр.
Куратар — Аляксандр Зінкевіч.
Квіткі — 5 рублёў.
Выстава працуе да 15 студзеня.
