8 верасня а 16-й у палацы Румянцавых-Паскевічаў адкрываецца найкруцейшая выстава археалагічных знаходак, старэйшых за Гомель!
Дата: 8 верасня
Час: 16.00 (час мясцовы)
Месца: палац Румянцавых-Паскевічаў, пл. Леніна, 4, Гомель
Многія гамяльчане прызвычаіліся 1142-і годам заснавання горада, аднак, калі ўчытацца ў тэкст Іпацьеўскага летапісу, можна зразумець, што ў 1142-м Гомель ужо не толькі існаваў, але і быў цэнтрам воласці! Ужо з V–VII стагоддзяў людзі жылі на тэрыторыі гістарычнага цэнтра Гомеля.
Выстава «Старэй 1142» прэзентуе матэрыялы археалагічных даследаванняў старажытнага Гомеля.
Звыш 2100 старонак навуковых справаздач па выніках археалагічных работ былі вывучаны пры яе падрыхтоўцы!
Вы пабачыце артэфакты, якія праліваюць святло на жыццё тутэйшых да першай летапіснай згадкі горада ў XII стагоддзі.
