Выстава «Трывожны чамаданчык» у Мінску
Пачатак: 29.12 (12:20)Канец: 10.01 (18:00)
галерэя Беларускага саюза дызайнераў
У галерэі Беларускага саюза дызайнераў праходзіць групавая выстава «Трывожны чамаданчык».
Дата: па 10 студзеня 2022 г.
Час: з 10:00 да 18:00 (панядзелак-пятніца).
Абед: з 13:00 да 14:00.
Месца: вул. Брылеўская, 14, г. Мінск
Уваход вольны.
Тэл. для даведак: (017)2427781 / 3537782, (029) 380 80 75
У праекце «Трывожны чамаданчык» мастакі даследуюць гэты няпросты прадмет быту з кодавым замком і падвоеным дном, выкарыстоўваючы яго як вобраз, сімвал, метафару і матэрыял для стварэння работ.
Смутныя часы, эпідэміі і крызісы, закрыццё межаў, трывожныя прадчуванні, няўпэўненасць у заўтрашнім дні, стан расчаравання і трывогі. Спыніце Зямлю, я сыйду...з дыстанцыі на далёкай станцыі. За гарызонт падзей. Унутраная эміграцыя ў месцы не такія далёкія. З адным толькі чамаданам, куды павінна змясціцца цэлае жыццё: расчараванні і робкія надзеі; успраміны; жыццёвы досвед; культурныя коды; квіток на цягнік, які з’ехаў; ключы ад дома, які згарэў; суб’ектыўная карціна свету ў залатым багеце; кошык піражкоў з напільнікамі ўнутры; картонка і сабачка, што ўпарта гаўкае ўслед каравану аблокаў, што плывуць па плыні.
