Выстава NICHT UNSER KRIEG у Дзюсельдорфе

У пятніцу, 24 лютага, міжнародная суполка мастакоў супраць вайны ва Украіне antiwarcoalition.art, у якой ёсць і беларускія творцы, ладзіць у Дзюсельдорфе выставу выставу NICHT UNSER KRIEG.

---

Дата: 24 лютага

Час: 19.00 (час мясцовы)

Месца: WELTKUNSTZIMMER, Ronsdorfer Str. 77a, Дзюсельдорф

Выстава спрабуе адказаць на графіці, плакаты і іншыя лозунгі ў грамадскіх месцах па ўсёй Германіі, якія абвяшчаюць «das ist nicht unser Krieg!» («Гэта не наша вайна!»).

Выставай з удзелам мастакоў з Аўстрыі, Беларусі, Германіі, Мексікі, Швецыі і Украіны antiwarcoalition.art прапануе асэнсаваць расейскае ўварванне ва Украіну як «нашу» вайну.

Мастакі прапануюць паразважаць пра індывідуальны ўдзел у гэтай вайне праз ланцужок харчовых паставак, закупку газу, размеркаванне працы ў ІТ-індустрыі і экалагічныя выклікі.

Вайна закранае кожнага з нас па-рознаму — кагосьці фізічна, кагосьці эканамічна, а ў сукупнасці стварае пагрозу агульнай будучыні.

Гэта не вайна паміж Расеяй і Украінай — гэта наша вайна!

Выстава працуе па 5 сакавіка.