У сераду, 5 красавіка, у Мінску адкрываецца цудоўная выстава «відзікаў» — твораў беларускага традыцыйнага роспісу на шкле.
Дата: 5 красавіка
Час: 17.00
Месца: мастацкая галерэя «Цэнтр», вул. Гікалы, 4 (будынак Пушкінскай бібліятэкі), Мінск
Тут можна пабачыць процьму розных шкляных маляванак: і аўтэнтычныя экспанаты, прывезеныя з беларускіх вёсачак ды гарадоў, і артэфакты з музейных фондаў, і відзікі з прыватных калекцый, і нават шкляныя абразы, якіх па ўсёй Беларусі збераглося толькі два дзясяткі!
Куратаркі — Марыя Карпянкова і Вольга Трубач.
У межах выставы будуць куратарскія экскурсіі, лекцыі пра мастакоў ад даследчыкаў іх творчасці і іншыя актыўнасці.
Квіткі — 3 рублі дарослым, 1 рубель — школьнікам і студэнтам.
Выстава працуе толькі да 15 красавіка!
