8 лістапада, аўторак
19.00-20.30
Бізнес-клуб “Imaguru”, вул. Фабрыцыуса 4 (ст.м. Інстытут Культуры)
Уваход вольны
Анлайн-часопіс “Ідэя” запрашае на дыскусію “Як ажывіць Мінск: Кастрычніцкая vs Зыбіцкая”.
Рэстарацыі, імпрэзы і вечарыны на Кастрычніцкай ды Зыбіцкай вуліцах Мінска цалкам аднавілі забаўляльную культуру горада. Хто дапамог начному жыццю Мінска выйсці з комы? Чаму ў 2-мільённым Мінску гэта атрымалася толькі нядаўна і як не страціць імпэт? Якія карысныя высновы мы можам зрабіць з кейсаў Кастрычніцкай і Зыбіцкай для развіцця культуры Мінска?
Нашыя госці – “агенты зменаў” з абодвух цэнтраў прыцяжэння, якія дапамагаюць Мінску стаць сучасным еўрапейскім горадам, не горшым за Варшаву ці Кіеў.
Міла Котка, куратарка фестывалю вулічнага мастацтва Vulica Brazil, супрацоўніца Амбасады Бразіліі ў Беларусі
Дзяніс Вальдэс, саўладальнік бара El Pushka, настаўнік школы барменаў Splash & Dash
Яся Каралевіч-Картэль, журналістка, анлайн-часопіс CityDog.by
Спікеры падзеляцца ўласным паспяховым досведам і адкажуць на пытанні аўдыторыі ў нефармальнай атмасферы.
Уваход вольны, але трэба зарэгістравацца на падзею тут.
За апошнімі навінамі мерапрыемства сачыце ў адмысловых групах у “Фэйсбуку” і ва “УКантакце”.
