17 лютага філармонія запрашае на канцэрт, прысвечаны 60-годдзю творчай дзейнасці музыкі і педагога Лучыі Ластаўкі.
Дата: 17 лютага
Час: 19.00
Месца: Малая зала Філармоніі, пр-т Незалежнасці, 50, Мінск
Як заўсёды, абавязковым удзельнікам «дня альтыста» (а ў Беларусі гэты дзень асацыюецца з імем выключна Лучыі Леанардаўны і адзначаецца штогадовым канцэртам) стане Дзяржаўны камерны аркестр пад кіраваннем Яўгена Бушкова.
З дня заснавання калектыву больш за 30 гадоў Лучыя Ластаўка была нязменным канцэртмайстрам групы альтаў, а ў розны час была дырэктарам і другім дырыжорам.
Бліскучая сольная кар’ера альтысткі натхніла вядомых беларускіх кампазітараў на шматлікія творы; некаторыя з іх прагучаць на канцэрце.
Таксама ў праграме — шэдэўры альтавай музыкі Р. Шумана, І. Брамса, М. Бруха, Дж. Энэску, Д. Міё, Кш. Пендэрэцкага.
Імёны салістаў пакуль не выдаюцца, абяцаюць сюрпрыз.
