У суботу, 7 студзеня, у вёсцы Велеўшчына Лепельскага раёна ладзяць «Жаніцьбу Цярэшкі» — паазерскую абрадавую гульню для нежанатай моладзі.
Дата: 7 студзеня
Час: 19.00
Месца: бібліятэка-клуб, вёска Велеўшчына, Лепельскі раён, Віцебская вобл.
Едзьце самі, бярыце сабе каго ў пару, а калі няма каго браць, то не страшна. Як кажуць, «у сельсавеце разбяруць, па мілашачцы дадуць» (і па мілёнку, канешне). А калі вы ўжо ў шлюбе, то ў вас ёсць нагода яшчэ раз падцвердзіць свае клятвы!
Граюць гурты «Варган» і «Рэхта».
Прыхапіце з сабой строі, зменны абутак, ваду і прысмакаў на агульны стол. Будзе месца, дзе можна пераапрануцца.
Уваход вольны!
