Жывая бібліятэка чакае чытачоў!
Пачатак: 24.04 (17:00)Канец: 24.04 (21:00)
Хто такі Джон Голт?
Жывая бібліятэка працягвае радаваць вас шчырымі размовамі і цікавымі гісторыямі. Сустракаемся ў нядзелю 24 красавіка! Не прапусціце шанец правесці выходны дзень не толькі цікава, але і карысна.
Жывая бібліятэка – гэта метад разбурэння стэрэатыпаў і крыніца сумленных адказаў на хвалюючыя пытанні. Гэта менавіта тое месца, дзе ва ўтульнай абстаноўцы за кубкам гарбаты можна паразмаўляць з цікавымі людзьмі, адкрыць для сябе новае і, часам, нават атрымаць слушную параду.
У Жывой бібліятэцы людзі са сваімі гісторыямі становяцца “кнігамі” для таго, каб адказаць на вашыя пытанні. “Кніга” – гэта чалавек, які належыць да нейкай стыгматызаванай сацыяльнай групы, мае асаблівы светапогляд, унікальную прафесію, належыць да спецыфічнай субкультуры ці мае веравызнанне, нязвыклае для большасці з нас. Агулам вельмі падобна на сапраўдную бібліятэку: вы прыходзіце, атрымліваеце картку чытача, запісваецеся ў бібліятэкара да кніжкі, якую хочаце пачытаць, і пачынаеце “чытанне” калі надыходзіць час сесіі.
Калі: 24 красавіка
Час: 17.00-21.00
Дзе: свабодная прастора «Кто такой Джон Голт?» (вул. Шорная, 20)
Сачыце за нашымі анонсамі ў нашых суполках у ВК і FB – і ўжо зусім скора мы раскрыем таямніцу таго, якія Кнігі адкрыюцца для вас гэтым разам.
Жывую бібліятэку арганізуе МПГ “Студэнцкая Рада” сумесна з гарамдскім аб’яднаннем “Маладыя сацыял-дэмакраты – Маладая Грамада” і праходзіць яна ў фармаце міжнароднай метадалогіі Human Library.
Мы заўсёды рады новым людзям у камандзе!
Калі вы хочаце стаць валанцёрам на Жывой бібліятэцы, дапамагчы з пошукам кніг ці вы самі кніга, бо часта сутыкаецеся са стэрэатыпамі адносна некаторых вашых асаблівасцяў і хочаце знайсці больш разумення сярод тых, хто побач з вамі, пішыце нам у асабістыя паведамленні у сацыяльных сетках або на [email protected].
