Спіс зімовых забаваў будзе няпоўным без наведвання Жывой бібліятэкі 30-га студзеня!
Калі вы ніколі не былі на Жывой бібліятэцы, то гэта ўдалая магчымасць паспрабаваць штось новае ў новым годзе. Калі ж вы пастаянны чытач – прыходзьце за новымі гісторыямі, бо спіс кніг заўсёды дапаўняецца.
Жывая бібліятэка – гэта тое месца, дзе вы зможаце пазбавіцца ад стэрэатыпаў і навучыцца бачыць вакол сябе тыя рэчы, якія раней не заўважалі.
У Жывой бібліятэцы людзі са сваімі гісторыямі становяцца “кнігамі” для таго, каб адказаць на вашыя пытанні. “Кніга” – гэта чалавек, які належыць да нейкай стыгматызаванай сацыяльнай групы, мае асаблівы светапогляд, унікальную прафесію, належыць да спецыфічнай субкультуры ці мае веравызванне, нязвыклае для большасці з нас. Агулам вельмі падобна на сапраўдную бібліятэку: вы прыходзіце, атрымліваеце картку чытача, запісваеце ў бібліятэкара кніжку, якую хочаце пачытаць, і пачынаеце “чытанне” калі надыходзіць час сесіі.
Цёплы вечар разам са шчырымі людзьмі – тое, што зробіць твой студзень на 100 адстоткаў запамінальным!
Сачыце за нашымі анонсамі ў сацсетках ВК і FB– хутка выкладзем спіс кніг!
Гэтым разам сустракаемся ў суботу 30-га студзеня ва ўтульнай кнігарні «Галіяфы» (ст.м. Няміга, Траецкае прадмесце, вул. Старавіленская, 6) з 13:00 да 17:00.
Жывую бібліятэку арганізуе МПГ “Студэнцкая Рада” сумесна з гарамдскім аб’яднаннем “Маладыя сацыял-дэмакраты – Маладая Грамада” і праходзіць яна ў фармаце міжнароднай метадалогіі Human Library.
Мы заўсёды рады новым людзям у камандзе! Калі вы хочаце стаць валанцёрам на Жывой бібліятэцы, дапамагчы з пошукам кніг ці вы самі кніга, пішыце нам у асабістыя паведамленні у сацыяльных сетках або на mshtrahova@gmail.com.
