Кампанія “Будзьма беларусамі!” і Цэнтр даследавання грамадскага кіравання “СІМПА” запрашаюць на фінальнаю прэзентацыю “Кірмаша праектаў” па Віцебскай вобласці ў межах кампаніі “Разам да справы”. Цягам 3-х месяцаў прымаліся заяўкі на ўдзел у Кірмашы праектаў з усіх куткоў Віцебскай вобласці і з лепшымі з імі вы зможаце пазнаёміцца 28 чэрвеня ў Полацку!

Нас чакае 6 прэзентацый праектаў:

– “Навукова-папулярныя вечары” – цыкл адукацыйных сустрэч, Стась Сілка, Полацк;

– “Кулінарная справа Браслаўшчыны” – Галляш Сялява, Браслаў;

– “Пакаленне ЭКА” – Лук’янская Хрысціна, Верхнядзвінск;

– “Горад, адкрыты для ўсіх” – Цярэнцьева Станіслава, Віцебск;

– “Удзел дзяцей з інваліднасцю ў легкаатлетычных забегах”  – Людміла Абрамовіч, Віцебск;

– “Раз!малюем дзяцінства” – Валянціна Болбат, Верхнядзвінск.

“Кірмаш праектаў” – гэта адкрытая публічная прэзентацыя культурніцкіх ідэй, якую праводзіць грамадская культурніцкая кампанія “Будзьма беларусамі!” у многіх гарадах Беларусі. Тут можна ўдасканаліць сваю задуму, атрымаць парады ад публікі і экспертаў, знайсці аднадумцаў ды партнёраў. Фармат мерапрыемства – так званая “маланкавая размова”

Пасля прэзентацыі экспертная рада цягам тыдня адбярэ найбольш цікавыя задумы з канкрэтнымі крокамі па рэалізацыі і акажа ўсемагчымую дапамогу ў іх рэалізацыі.

Не прапусціце магчымасць падтрымаць аўтараў і выказаць сваю зацікаўленасць у жыцці горада!

Падзея ў сацыяльных сетках Вконтакте і Facebook.

28 чэрвеня, 18:30

г. Полацк,

Кафэ “Раздол”, вул. Талстога,15

Інфалінія +375259133876