У выхадныя 5-6 чэрвеня вялікі гарадскі пікнік Vulitsa Ezha адкрывае новы сезон. З гэтага года пры падтрымцы А1 фестываль пачынае больш актыўна развіваць інклюзіўны кірунак, каб ад смачнай ежы, добрай музыкі і адпачынку ў Батанічным садзе атрымалі асалоду без выключэння ўсе жадаючыя.

Дзякуючы такой калабарацыі кампанія А1, якая ўжо шмат гадоў працуе з тэмай інклюзіі і грамадства роўных магчымасцяў, арганізуе для фестывалю спецыяльную безбар'ерную пляцоўку і запросіць выступіць там вядомых беларусаў. У кожны з фестывальных выхадных - 5-6 чэрвеня, 10-11 ліпеня, 21-22 жніўня - розныя спікеры будуць дзяліцца сваімі гісторыямі пра тое, як інклюзія стала часткай іх жыцця, і праводзіць творчыя майстар-класы - іх расклад з'явіцца крыху пазней.

«Прытрымліваючыся міжнародных прынцыпаў ESG ў экалагічным, сацыяльным і карпаратыўным кіраванні, кампанія А1 рэалізуе інклюзіўныя праекты, натхнёныя ідэяй стварэння грамадства роўных магчымасцяў. Нам важна казаць пра тое, што інклюзія - гэта не толькі стварэнне безбар'ернага асяроддзя, але і глабальны падыход, які аб'ядноўвае людзей. І вялікі гарадскі пікнік Vulitsa Ezha - ідэальнае месца, каб нагадаць пра гэта», - адзначыў начальнік аддзела карпаратыўных камунікацый кампаніі А1 Мікалай Брэдзелеў.

Госці новай пляцоўкі фестывалю таксама змогуць паспрабаваць фірмовыя напоі з самай вядомай безбар'ернай кавярні краіны «Інклюзіўны барыста». Каб усім наведвальнікам было камфортна, саму барную стойку зробяць заніжанай, а дарожкі да яе накрыюць спецыяльным здымным насцілам. Акрамя таго, на інклюзіўнай пляцоўцы А1 будуць працаваць прафесійныя цьютары і псіхолагі, якія змогуць аказаць неабходную падтрымку або вырашыць нестандартную сітуацыю.

«Гарадскі пікнік Vulitsa Ezha - гэта не проста фестываль, на якім можна добра адпачыць, смачна паесці і паслухаць музыку. Мы ствараем атмасферу і фарміруем кам'юніці аднадумцаў, распавядаем пра цікавыя праекты і аб'ядноўваем людзей, зацікаўленых у гастранамічнай культуры. Нам важна быць адкрытымі і даступнымі для любых гасцей, таму мы вельмі рады, што сёлета сумесна з А1 зможам стварыць максімальна камфортныя ўмовы адпачынку для ўсіх і стаць першым у Беларусі фестывалем з інклюзіўнай пляцоўкай такога фармату», - падкрэслілі арганізатары Vulitsa Ezha.

Як і на іншых лакацыях фестывалю, для камфорту і бяспекі гасцей тут будуць прадугледжаны меры па выкананні сацыяльнага дыстанцыявання і дадаткова абсталяваны зоны з антысептыкам, а ўвесь персанал забяспечаны медыцынскімі маскамі і пальчаткамі.

Квіткі і абанементы на 6 сезон ужо можна знайсці на сайце vulitsaezha.by. Падрабязнасці правядзення гарадскога пікніка Vulitsa Ezha - у сацсетках:

Instagram

Facebook

ВКонтакте

Што: гарадскі пікнік Vulitsa Ezha

Калі: 5 – 6 чэрвеня;

Час: 12.00 - 22.00

Дзе: Батанічны сад

Кошт: квіткі - 10 - 12 BYN

Абанемент на сезон: 50 BYN

Дзецям да 12 год уваход вольны

0+

Паводле прэс-рэлізу