6 мая, на свята Юр’я, у палескай вёсцы Пагост, што ў Жыткавіцкім раёне, здаўна спраўляюць абрад «Юраўскі карагод». Веткаўскі музей стараабрадніцтва і беларускіх традыцый імя Ф.Р. Шклярава апублікаваў на сваёй старонцы ў фэйсбук фотаальбом з імпрэзы.
«І менавіта 6 мая ў філіяле Веткаўскага музея мы зладзілі рэканструкцыю гэтага абраду. Разам з нашымі гасцямі, якія ехалі да нас нават з Магілёва і Брэста, мы паспрабавалі аднавіць дзеянні, накіраваныя на зварот да Бога з просьбай аб добрым ураджаі.
Мы вадзілі карагоды, упрыгожвалі вельцамі абрадавы каравай, які і носіць назву «Юраўскі карагод». І пасля яго елі.
Кожны ўдзельнік нашай імпрэзы пачаставаўся караваем — згодна традыцыі, ніводны госць свята не мог застацца без кавалачка. Не гледзячы на колькасць людзей, пасмакаваць хоць самую драбнічку павінны кожны».
Больш фота на старонцы музея.
