Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». У новым відэа гаворым пра чыннікі фарміравання культуры на нашых землях у часы ўзнікнення першых дзяржаваў.

Якія цывілізацыі аказвалі ўплыў на фарміраванне і развіццё культуры ў тыя часы? Што прынесла хрысціянізацыя на беларускія землі? Як на нашых землях з’явілася пісьменнасць? Хто быў стваральнікам алфавіту і якія помнікі пісьменства захаваліся да нашых дзён? Чым людзі пісалі ў тыя часы? Першыя беларускія інтэлектуалы — хто яны і як фарміраванне такіх асобаў звязана з рэлігіяй? На гэтыя пытанні адказвае гісторык Алесь Краўцэвіч.

Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.

Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.

У наступным відэа гаворка пойдзе пра жыццё сярэднявечанага горада.

Папярэднія выпускі глядзіце па спасылцы.

Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.