«Рэгіянальная газета» з спасылкай на суполку «Вілейскі Далягляд» піша пра тое, як разбураецца даваенная школа ў Малявічах, што на Вілейшчыне.
На Вілейшчыне, па дарозе да месца пахавання паўстанцаў ва Уладыках, месціцца вёска Малявічы.
«Кожны раз, калі даводзіцца праз яе ехаць, з болем назіраю, як паступова разбураецца старая, яшчэ даваенная школа», — піша аўтар суполкі Вілейскі Далягляд.
Па словах аўтара, некалі такіх будынкаў было вельмі шмат. Узведзеныя па тыпавых праектах яшчэ пры Польшчы, яны актыўна выкарыстоўваліся і ў савецкі час.
«Але вось, сваё аджылі — гэта непазбежна. Але ўсё роўна ёсць адчуванне, што зачыняецца яшчэ адно акенца ў наша мінулае. Шкада школкі, такіх ужо амаль не засталося. А разам з іх знікненнем змяняецца і традыцыйны вясковы краявід заходняй часткі Беларусі».
Фота: суполка «Вілейскі Далягляд».
