закрыць

У Вільні прэзентуюць кнігу Алеся Аркуша «Тастамент Рагвалода»

15.08.2023 Літаратура

Сустрэча з пісьменнікам пройдзе ў самым сэрцы горада. Будуць чытаць прозу і вершы Алеся Аркуша, гутарыць пра Полацк і разгадваць загадкі беларускай гісторыі.

Ales-Arkush
Пісьменнік Алесь Аркуш. Фота: Радыё Рацыя

На прэзентацыю выдання запрашае Беларуская рада культуры:

«Сабраныя пад адной вокладкай два невялікія раманы «Захоп Беларусі марсіянамі» і «Сядзіба» ды апавяданне, што дало назву кнізе, утвараюць адзіны тэкст пра Полацк. Гэты горад напоўнены міфамі, легендамі, асобамі і іх адметнымі гісторыямі. Але аўтар не абмяжоўваецца выключна вядомымі сюжэтамі, а дадае да іх свае. Напрыклад, пра кубак Баторыя ці сімвалічны дракар лёсу Беларусі».

Ва ўсіх тэкстах з кнігі ёсць рысы дэтэктыву, кроплі метафізікі, каліва таямніц і абсалютна рэальныя асобы і здарэнні — ад гісторыка і мовазнаўцы Вацлава Ластоўскага да паэта Алеся Дудара, ад мастака Івана Хруцкага да паэта Кастана Навадворскага, ад княза Рагвалода да Торвальда.

Дзе: Вільня, Šv. Ignoto g. 5

Калі: 18 жніўня, 18.00

На прэзентацыі можна будзе набыць «Тастамент Рагвалода» і падпісаць яго ў аўтара.

Чытайце яшчэ: Выйшла новая кніга Сяргея Календы. Дзіцячыя гісторыі пра хлопчыка Томчыка можна будзе прачытаць на 2 мовах — беларускай і англійскай


Апошняе
на Budzma.org

чытаць яшчэ

Папулярнае

чытаць яшчэ

Афіша

Выстава «Рай» у Віцебску

21.02.2025 17:00 - 20.06.2025 19:00 арт-прастора «Талстога, 7» (вул. Талстога, 7)
Віцебск Выставы

Выстава «Жарсці па архітэктуры» ў Брэсце

28.03.2025 17:00 - 22.05.2025 18:00 Мастацкі музей (вул. Герояў Абароны Брэсцкай Крэпасці, 60В,)
Брэст Выставы

Выстава Цемры «Fragile» ў Познані

28.03.2025 17:30 - 14.06.2025 19:00 MAD Art Gallery (Mielżyńskiego 27/29)
Познань Выставы
© 2008-2025, Budzma.org