• budzma.org
  • Пра нас
  • Крама
Будзьма беларусамі! Будзьма беларусамі!
telegram www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Гісторыя
  • Літаратура
  • «Музыка»
  • Гатуем з «Будзьма!»
  • «Гісторыя за 5 хвілін»
  • «Трызуб і Пагоня»
  • «Разумняты»
  • Вандруем разам
  • Афіша
10.02.2014 | Культура Літаратура

Бахарэвіч і Жбанкоў рассакрэчваюць ментальны код беларусаў

Ляскат зброі, трэск вогнішча, крыкі жарсці, пошчак салаўя… У фільмах можна пачуць усё. А ці магчыма адчуць атмасферу, якую ў словы заклаў аўтар, калі чытаеш кнігу?

Трэйлеры, альбо рэкламныя ролікі мастацкіх фільмаў, ужо даўно сталі нормай нашага жыцця. Дык чаму не скарыстаць такі падыход у літаратуры? Выйсце — буктрэйлер! Ён дае магчымасць зразумець і адчуць аўтара і герояў, час і атмасферу. Па-іншаму зірнуць нават на вядомыя ўсім творы і аўтараў.

Першы ў Беларусі прафесійны буктрэйлер прадстаўляе культурніцкая кампанія “Будзьма беларусамі!”. Ён створаны паводле апавядання Міхася Стральцова “Смаленне вепрука” рэжысёрам Зміцерам Вайноўскім, а ў галоўных ролях — Альгерд Бахарэвіч і Максім Жбанкоў!

“Людзі цяпер чытаюць няшмат. І гэта шкада. Я лічу, вельмі важная справа — данесці варты літаратурны твор да чытача. Але паўстае пытанне: як? Тут трэба сучасны інструмент, з дапамогай якога ва ўмовах сённяшняй, збольшага электроннай, камунікацыі кніга можа знайсці свайго чытача. На маю думку, буктрэйлер якраз і ёсць такім інструментам”, — тлумачыць асноўную мэту праекта Зміцер Вайноўскі, стваральнік буктрэйлера. Адбор быў вельмі няпростым: “Я столькі кніг перачытаў! Канечне, хацелася б узяць твор Уладзіміра Караткевіча. Але буктрэйлер на яго запатрабаваў бы неймаверных рэсурсаў. А рабіць абы-як — навошта? Калі твае словы не лепшыя за цішыню, памаўчы. Так і тут. Я шукаў невялікае, ціхае апавяданне, пра якое можна было б гэтак жа ціха сказаць. Знайшоў адказ у “Гамбургскім рахунку” Альгерда Бахарэвіча. Я прачытаў у ім пра “Смаленне вепрука” і зразумеў: вось гэты твор! Гэта тое, што трэба!”

Буктрэйлер адметны. У ім няма галоўнага героя. У ім абодва героі галоўныя. Адну з роляў, бясспрэчна, атрымаў Альгерд Бахарэвіч. Рэжысёра кранула яго пазіцыя, яго словы, павага аднаго аўтара да другога. “Мне падалося, што Бахарэвіч вельмі добра зразумеў Стральцова, — кажа З. Вайноўскі. — Чалавек, які добра яго зразумеў, і павінен сказаць ад яго”.

Не згаворваючыся з рэжысёрам, гэтыя словы пацвердзіў і сам Альгерд Бахарэвіч: “Міхась Стральцоў у свой час сапраўды стаўся для мяне адкрыццём, і я пастараўся, каб гэта адчувалася ў вобразе, які мяне запрасілі стварыць. Стральцоў — у нейкім сэнсе марсіянін у беларускай літаратуры: самотны, нервовы, тонкі, адукаваны і чулы да вусцішы свету. Чалавек не адсюль. А значыць, у нас ёсць нешта агульнае, нават калі казаць пра Бахарэвіча-чытача і Стральцова-пісьменніка. Я адчуваю сваю сувязь з ім”.

Дзякуючы буктрэйлеру адкрыў для сябе “Смаленне вепрука” Максім Жбанкоў, які прачытаў апавяданне ўжо падчас здымак. І ўсе, хто працаваў над гэтым праектам, палюбілі М. Стральцова, яго творы. “Мы шмат пра яго размаўлялі, чыталі, — дзеліцца спадар Вайноўскі. — І дзякуючы аўтару і працы над яго апавяданнем перш за ўсё я стаў лепш чытаць наш ментальны код. Я не магу сказаць, што цяпер я яго вельмі добра чытаю, але стварэнне буктрэйлера мне вельмі дапамагло. У гэтай працы я спрабую яго намаляваць, бо ментальны код насамрэч складаецца з гэтых галінак, з гэтых гукаў, колераў, словаў. Гэта ўсё робіць нас беларусамі!”

Запрашаем усіх скарыстацца культурніцкай машынай часу і перанесціся ў 1973 год, стаць часткай стральцоўскага космасу і разам паспрабаваць разгадаць адзін з найбольш загадкавых твораў беларускай літаратуры.

Booktrailer “Смаленне вепрука” from Budzma Razam on Vimeo.

Аўтар ідэі і рэжысёр: Змiцер Вайноўскi
У галоўных ролях: Альгерд Бахарэвіч, Максім Жбанкоў
Мастак: Генадзь Тумялевіч
Аператары: Андрэй Васкрасенскі, Алег Гірэль, Мікалай Скараходаў
Sound design, digital composer: Мікалай Чорны

Фота: Аляксандр Tarantino Ждановіч

Апавяданне Міхася Стральцова “Смаленне вепрука” чытайце тут.

Больш беларускай літаратуры шукайце тут: Kamunikat.org, Knihi.com.
Пра беларускіх пісьменнікаў чытайце тут: Lit-bel.org.

Апошняе ў рубрыцы:

valiancina_shauchenka
Кіно Беларусы свету

Беларускія дакументалісты атрымалі прызнанне на фестывалі кіно ў Капенгагене

Фільм «Радзіма» беларускіх дакументалістаў Аляксандра Міхалковіча і Ганны Бадзякі атрымаў адну з галоўных узнагарод...

valiancina_shauchenka
Кіно Літаратура

«Беларусьфільм» здыме экранізацыю рамана Караткевіча. Сталі вядомыя падрабязнасці

Уладзімір Караткевіч належыць да тых рэдкіх аўтараў, чые творы хутка ператвараюцца не проста ў класіку, а ў невычэрпную...

valiancina_shauchenka
Грамадства Гісторыя

Квіз пра БНР у Батумі: цікавыя факты пра жыццё рэспублікі

24 сакавіка ў шматфункцыянальнай прасторы «аКсяродак» у Батумі адбыўся квіз «А што ты ведаеш пра БНР?». На мерапрыемстве,...

valiancina_shauchenka
Грамадства

Святочнае шэсце, мітынг і дваровы канцэрт. Як адзначаюць Дзень Волі ў Батумі

Беларусы Батумі адзначылі Дзень Волі шэсцем па вуліцах горада і ўрачыстым мітынгам на плошчы Еўропы. Настрою шэсцю...

Апошнія навіны

    Кіно Беларусы свету
    Беларускія дакументалісты атрымалі прызнанне на фестывалі кіно ў Капенгагене
    Кіно Літаратура
    «Беларусьфільм» здыме экранізацыю рамана Караткевіча. Сталі вядомыя падрабязнасці
    Грамадства Гісторыя
    Квіз пра БНР у Батумі: цікавыя факты пра жыццё рэспублікі
    Грамадства
    Святочнае шэсце, мітынг і дваровы канцэрт. Як адзначаюць Дзень Волі ў Батумі
    У Коўне адкрылі помнік Клаўдзію Дуж-Душэўскаму
    Грамадства Кіно
    Фільм «Межы» Юлі Шатун з'явіцца на VODBLISK ужо 1 красавіка
    Грамадства
    27 сакавіка ўпершыню будзе адзначацца Дзень еўрапейскіх аўтараў
    Музыка
    Гурт VOLSKI выступіў з вялікім канцэртам да Дня Волі. Фотарэпартаж
    Навіны "Будзьма!" Гатуем з «Будзьма!»
    Печаная бульбяная каўбаса. Гатуем «бульбянку» разам з «Будзьма»
    Грамадства Літаратура
    У Беларусі прызналі «экстрэмісцкай» кнігу гомельскага журналіста Анатоля Гатоўчыца
    Навіны "Будзьма!"
    Віншуем з Днём Волі
    Грамадства Беларусы свету
    Дзень Волі ў Коўне: урачыстае адкрыццё помніка на магіле аўтара бел-чырвона-белага сцяга Клаўдзія Дуж-Душэўскага
    Грамадства
    «Свае людзі» ў Батумі. Севярын Квяткоўскі: беларуская самаарганізацыя, якая праявілася ў 20-м годзе, працуе і тут
    Грамадства «Музыка»
    Музыка Алесь Чумакоў выканаў вядомую польскую песню пра Гомель па-беларуску
    Грамадства Гісторыя
    Пойдзем жыва да Касьцюшкі, Рубаць будзем маскалюшкі!

Афіша

  • 26.03 — 25.03

    ПАДЗЕЯ ДНЯ: Беларускі спектакль «Жнівень» у Варшаве

  • 26.03 — 22.04Выстава ткацкіх працаў у Мінску
  • 26.03 — 30.03Экспазіцыя да 100-годдзя з дня нараджэння Алены Васілевіч у Мінску
  • 26.03 — 31.03Выстава, прысвечаная мастаку кіно Яўгену Ганкіну, у Мінску
  • 26.03 — 31.03«У краіне мар». Выстава, прысвечаная Канстанцыі Буйло, у Мінску
  • 26.03«Штучны інтэлект: мастак ці машына?»: выстава ў Мінску
  • 26.03Выстава «Джаз! Каты! Вясна!» у Мінску
  • 26.03Выстава «Веснавыя святы, абрады і звычаі беларусаў» у Гродне

УСЕ ПАДЗЕI

Рассылка навінаў

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: [email protected]

Папулярнае

    • У мастачкі Нікі Сандрас здарылася кровазліццё ў мозг. Ёй патрэбна дапамога
    • Ведаеце, на якой мове насамрэч размаўлялі ў Беларусі ў канцы 18 стагоддзя?
    • Як, дзе і калі беларусы свету будуць адзначаць Дзень Волі
    • Ва Украіне з’явіўся сайт пра тое, чаму ў Беларусі ўсё так і беларусы такія
    • Адкуль мы ўзяліся: 7 кніг пра нашу гісторыю
© Грамадская культурніцкая кампанія «Будьма беларусамі!», 2008-2019.
Логотип