А ён працягвае забіваць.
Малады форвард Ілля Шкурын гучна заявіў пра сябе у 2019 годзе. Тады 19-гадовы гулец мінскага “Энергетыка-БДУ” стаў найлепшым бамбардзірам чэмпіянату Беларусі, забіўшы за сезон 19 галоў. Удалы выступ не застаўся незаўважаным: пасля сезона Шкурына набыў расійскі ЦСКА. Для беларуса гэта быў відавочны крок наперад. Маскоўская каманда традыцыйна лічыцца адным з наймацнейшых клубаў Расійскай Прэм’ер-Лігі. Напрыклад, цяпер букмекерская кантора 1xBet называе ЦСКА другім па верагоднаці пераможцам турніру ‒ дазнацца пра каціроўкі і выкарыстаць прамакоды 1xBet можна на афіцыйным сайце букмекера. На новым месцы Ілля з пераменным поспехам змагаецца за месца ў асноўным складзе. У бягучым сезоне ён прыняў удзел у 7-мі матчах РПЛ, у якіх забіў тры мячы.
У жніўні 2020-га Шкурын адзначыўся не толькі першым голам у складзе ЦСКА, але і грамадзянскай пазіціяй. У сваім інстаграме ён напісаў, што адмаўляецца выступаць за зборную Беларусі, пакуль у краіне дзейнічае рэжым Аляксандра Лукашэнкі. Таксама гулец адправіў ліст на беларускай мове з адпаведнай інфармацыяй у Асацыяцыю “Беларуская федэрацыя футбола”. Пазней Ілля падпісаў ліст за сумленныя выбары і супраць гвалту, складзены Свабодным аб’яднаннем спартсменаў Беларусі.
Рэдкая для дзеючых беларускіх ігракоў смеласць у выказваннях выклікала вялікі розгалас у футбольнай супольнасці. Напрыклад, былы галоўны трэнер зборнай Беларусі Анатоль Байдачны заявіў, што не разумее футбаліста. На яго думку, гульцы зборнай выступаюць для людзей, а не для Лукашэнкі ‒ словы спецыяліста прыводзіць партал БетОН бай. Вядомы беларускі футбольны агент Валер Ісаеў наадварот прызнаўся, што словы Шкурына яго матывуюць. Чаго нельга сказаць пра беларускія футбольныя ўлады: АБФФ накіравала дакументы ў Міжнародную федэрацыю футбола з просьбай пакараць гульца ‒ там адхілілі ўсе скаргі. Акрамя таго, Шкурыну анулявалі адтэрміноўку ад арміі. Цяпер паездка ў Беларусь можа скончыцца для футбаліста ў ваенкамаце.
Аднак Ілля не губляе настрою і працягвае змагацца за месца ў аснове аднаго з лідараў расійскага футбола. І не без поспехаў: раней хадзілі чуткі, што гульца могуць аддаць у арэнду гэтай зімой. Але каманду часова пакіне іншы форвард, аргенцінец Адольфа Гайч ‒ Шкурын выйграў у яго канкурэнцыю. Да гэтага дадюцца галы ў таварыскіх матчах ЦСКА на падрыхтоўчых зборах. Чакаем ад беларускага нападаючага новых поспехаў.
Партнёрскі матэрыял