«Біг-Біт» — лонгплэй, які злучае пакаленьні Віктар Сямашка выдаў альбом, запісаны зь піянэрамі белроку Музыка й паэта Віктар Сямашка падрыхтаваў да выданьня новую кнігу вершаў.
Праца над тэкстамі заняла ў суме 13 год. Выпуску кнігі ў папяровым выглядзе будуць папярэднічаць два сеціўныя дадаткі. Першы бонус прэзэнтаваны сёньня. Гэта музычны лонгплэй «Біг-Біт», названы паводле аднаго зь вершаваных цыкляў. Асноўная гукавая сэсія адбылася ў 2009 г. у хатняй студыі на Рабочым завулку ў Менску. Удзел прынялі піянэры беларускага рок- н-ролу — былыя ўдзельнікі біт-ансамблю «Альгарытмы» 1960-ых гг. Яўген Канавалаў
(гітара) і Яўген Адстаўноў (бас). Першы пакінуў гэты сьвет праз два гады пасьля запісу. «Яшчэ тады мы вырашылі дапоўніць атрыманы музычны матэрыял вершамі. Тыя
патрабавалі рэдагаваньня, таму праца расьцягнулася на такі час... Выключна біг-бітам мы не абмежаваліся, зрабіўшы істотны крэн у псыхадэлію. А тэматычна праца
аналізуе захапляльныя складанасьці міжполавых стасункаў», — кажа Віктар. Паслухаць і спампаваць альбом можна па спасылцы.
Паводле прэс-рэліза
