Выбраныя кампазіцыі складанкі «Будзьма! Тузін.Перазагрузка-2» цяпер даступныя і на музычным партале Thankyou.ru. На сайце – флагмане постсавецкай музычнай прасторы вы можаце сказаць «дзякуй!» чатыром выканаўцам праекту. Нагадаем, «Смысловые галлюцинации», Алёна Свірыдава, Zdob si Zdub, «Воплi Вiдаплясава» ды іншыя зоркі запісалі альбом у падтрымку міжнароднага іміджу Беларусі, зрабіўшы беларускія версіі сваіх песняў. Праект арганізаваны грамадскай кампаніяй «Будзьма беларусамі!» і парталам «Тузін Гітоў».
Болей інфармацыі пра песні праекту, артыстаў і гісторыю стварэння – на старонках песень на сайце www.budzma.org («Смысловые галлюцинации», Алёна Свірыдава, Zdob si Zdub, «Воплi Вiдаплясава»).
