Віцебскі музыка і культурмэнэджар Уладзімір Булаўскі выйшаў на волю пасля 30 сутак арышту. Ён быў абвінавачаны ў парушэнні парадку арганізацыі і правядзення масавых мерапрыемстваў (арт. 24.23 КаАП).
«Жыццё працягваецца. Анонсы будуць. Усім дзякуй!» — напісаў Уладзімір у сваім тэлеграм-канале.
Нагадаем, Уладзіміра Булаўскага затрымалі 6 ліпеня ў Сянно Віцебскай вобласці, дзе віцебскі музыка і мусіў выступіць на канцэрце «Купальскае кола». Відавочцы распавялі, што да Булаўскага падышлі двое мужчын ў цывільным і затрымалі яго.
За апошнія два гады Уладзімір Булаўскі быў затрыманы ўжо 4 разы.
